Tregimi ka mbetun kështu. Dranja ishte bijë Kelmendi. Ajo u martua te një familje e pasun në Nënshkodër. Një bandë cubash (vjedhës kafshësh shtëpiake; Gjeçovi), e udhhequn pej Gjin Ndrecës, e grabiti Dranen dhe e mbajti atë trí ditë e net. Pastaj, e ktheu atë në shtëpí të të shoqit. Dranja i kërkoi të shoqit që ta vriste Gjinin. I shoqi, një njeri i edukuom, iu përgjigj Dranes që vrasja e cubit nuk do ta shlyente atë që kishte ndodhun. E pakënaqun me përgjigjen e të shoqit, Dranja u kthye në Kelmend, ku—ose i vjehërri ose i jati—e mësoi atë si me përdorë armët dhe si me marrë gjak. Kur Dranja u ndje e aftë me krye detyrën që ajo i kishte vumë vetes, ajo u kthye në Nënshkodër. Gjinin e gjeti në një pijetore në Pazar të Lezhës dhe e vrau. Pas Luftës së IItë, Dranja emigroi në ShBA.

Fakti mâ interesant rreth Dranes: Ndër Lekë, ajo mbeti në kujtesë jo për vrasjen e përdhunuesit të saj por për fjalimin që ajo mbajti para trupit gjykues në Shkodër.